Resolución de 24 de abril de 2012, de la Consellería de Trabajo y Bienestar, por la que se acuerda la inscripción y publicación de las tablas salariales definitivas para el año 2010 del convenio colectivo de las industrias de derivados de cemento de la provincia de A Coruña

ACTA DA COMISIÓN NEGOCIADORA DO CONVENIO COLECTIVO PROVINCIAL DE DERIVADOS DO CEMENTO DA CORUÑA 2007-2010

ASISTENTES

• Pola representación empresarial
  • Luís Neira Pérez
  • Francisco García Carrillo
  • Marina Graña Bermúdez (asesora jurídico-laboral)
• Pola representación sindical
  • Jesús M.ª Calvo Romero (UGT)
  • Santiago Huertas Pozurama (CC.OO.)
  • Justo López Comba (CC.OO.)
  • Vitorino Ares Prado (CIG)

Na Coruña, a 19 de decembro de 2011, sendo as 10.30 horas, na sede da Confederación de Empresarios da Coruña, previa convocatoria, reúnense as persoas arriba indicadas, todas elas membros da comisión negociadora do convenio colectivo provincial de derivados do cemento da Coruña para os anos 2007-2010, chegan aos acordos que se exporán en relación a revisión salarial para o ano 2010, se ben, previamente, interesa deixar constancia do seguinte:

Na reunión da comisión paritaria celebrada o 30 de setembro de 2010 fixáronse as táboas salariais para o ano 2010, acta da reunión que foi publicada no Boletín Oficial da Provincia (BOP) n.º 96, do 23 de maio de 2011.

Nesa mesma acta establecíase que se procedería a revisar as táboas salariais así fixadas ao rematar o ano 2010 na diferenza entre o IPC real que resultase a 31 de decembro de 2010 e o 1,4% inicialmente aplicado nas táboas salariais.

Sen embargo no apartado a) da disposición final primeira do convenio establecese que as remuneracións mínimas deste convenio incrementaranse no IPC previsto polo Goberno máis un 1,4%, e no apartado b) da mesma disposición establece que no suposto que a 31 de decembro de cada ano o Índice de Prezos ao Consumo (IPC) superara no conxunto do ano o previsto polo Goberno procederase a efectuar unha revisión das retribucións establecidas, no exceso da dita porcentaxe.

Neste sentido, esta comisión negociadora é consciente da difícil situación do sector, consecuencia da crise xeneralizada do país, e en especial da industria da construción na que se inclúe este sector de derivados do cemento, o que carreou a perda de negocio e o peche dun gran número de empresas, así como un notable incremento de expedientes de regulación de emprego, todo o cal supuxo a conseguinte perda de postos de traballo.

Por todo elo, esta comisión negociadora, nunha mostra de responsabilidade, prudencia e equilibrio, ve necesario superar o previsto na disposición final primeira do convenio deixándoa sen efecto, e establecer o incremento total das táboas salariais para o ano 2010 nun 3% que resulta do 1,4%, xa aplicado inicialmente nas táboas salariais, máis o 1,6% que ven dado da diferenza entre o mencionado 1,4% e o 3% que foi o incremento do IPC a 31 de decembro de 2010.

Finalmente acórdase facultar a D. Jesús M.ª Calvo Romero, con D.N.I. 33.234.512-H, para a presentación da presente acta ante o organismo oficial correspondente para proceder ao depósito e publicación dos mesmos.

ANEXO
CONVENIO COLECTIVO DE DERIVADOS DO CEMENTO DA PROVINCIA DA CORUÑA

NOTA.–As letras S e N que figuran nas pagas extra son para os traballadores con modalidade de traballo a incentivos.

N: no se retribúe incentivo.

S: si se retribúe incentivo.