Resolución de 20 de diciembre de 2012 de la Consellería de Trabajo y Bienestar, por la que se acuerda el depósito, registro y publicación del convenio colectivo de transporte de viajeros en autobús por carretera de la provincia de A Coruña. Año 2012

Artigo 1 Ámbito de aplicación

O presente convenio será de aplicación para todas as empresas e traballadores do transporte de viaxeiros en autobús por estrada na provincia da Coruña.

Artigo 2 Vixencia e denuncia

Este Convenio terá a sua vixencia desde o 1 de Xaneiro de 2012 até o 31 de Decembro do 2012.

Este Convenio quedará automaticamente denunciado o 31 de Decembro do 2012.

As clausuas normativas do actual convenio, unha vez rematada a vixencia temporal do mesmo, quedarán prorrogadas na sua totalidade até o 31 de decembro do 2015.

Artigo 3 Respecto de dereitos

Respetarase a todos os traballadores as situacións persoais actualmente consolidadas en canto determinen maiores direitos que os concedidos por este convenio.

Todos os conceptos salariais teñen carácter normativo e condición mínima indispensable, polo que tal garantia non pode ser afectada por pacto ou renúncia de calquer tipo cos demais efeitos e durante os periodos establecidos no artigo 2.

Artigo 4 Taboas salariais

As taboas salarias do ano 2012 son as que se reflexan no Anexo I e surtirán efectos desde o 1 de Xaneiro do 2012.

Artigo 5 Antigüidade

O persoal afectado polo presente convenio devengará as antigüidades de acordo coa taboa que segue:

• - Aos 2 anos, o 5 por cento do salario base
• - Aos 4 anos, o 10 por cento do salario base
• - Aos 9 anos, o 20 por cento do salario base
• - Aos 14 anos, o 30 por cento do salario base
• - Aos 19 anos, o 40 por cento do salario base
• - Aos 24 anos, o 50 por cento do salario base
• - Aos 29 anos, o 60 por cento do salario base

Artigo 6 Pagas extraordinarias

Establécense tres gratificacións extraordinarias, que se denominarán de Verán, de Nadal e de Beneficios, que se percibirán nos meses de Xullo, Decembro e Marzo en contía de 30 días de salario base e antigüidade das táboas salariais adxuntas.

Artigo 7 Plus convenio

As empresas aboarán un plus de 704,76 euros anuais, repartidos en 12 mensualidades de 58,73 euros.

Artigo 8 Plus consolidado

Os traballadores que, á sinatura do presente convenio, viñeran percebendo o plus de acumulación de descansos e reducción de entre xornadas establecido no artigo 12 do convenio colectivo do 1984, seguirán percebendo, a título individual, a contía de 0’92 euros por cada día de traballo.

O incremento salarial que procedería pasará a integrarse no plus convenio.

As empresas que, no futuro, fagan uso da faculdade establecida no artigo 9 do RD 1.561/95 aboarán dito plus, a título individual, aos traballadores afectados e durante o tempo que dura dita situación.

Artigo 9 Plus de conductor-perceptor

O condutor-perceptor realice ou non simultaneamente as dúas funcións, percibirá, ademais da remuneración correspondente á súa categoría, un complemento salarial de posto de traballo (plus de conductor-perceptor, PCP) en contía mensual ao 20% de 22 días do seu salario base, como mínimo.

A estrutura salarial para os conductores-perceptores conterá os conceptos que seguen:

• - Salario base, segundo as táboas salariais.
• - Antigüidade, segundo o establecido no artigo 5.
• - Plus convenio, nas contías do artigo 7.
• - Plus condutor-perceptor, segundo establece o presente artigo.
• - Plus quebranto de moeda, segundo o artigo 10.
• - Plus consolidado, nos termos recollidos no artigo 8.
• - Plus de interrupción de xornada, se procede, nos termos establecidos no artigo 15 f).

O conductor percibirá, ademáis da remuneración correspondente á sua categoría, un Plus de Actividades Complementarias coa contía de 80,56 euros mensuais.

A estructura salarial dos conductores conterá os conceptos que seguen:

• - Salario base, segundo táboas salariais.
• - Antigüidade, segundo o establecido no artigo 5.
• - Plus convenio, nas contías do artigo 7.
• - Plus de actividades complementarias, segundo establece o presente artigo.
• - Plus consolidado, nos termos recollidos no artigo 8.
• - Plus de interrupción de xornada, se procede, nos termos establecidos no artigo 15 f).

Artigo 10 Quebranto de moeda

A gratificación especial de quebranto de moeda queda establecida en 30,58 euros, e a contía estipulada percibirase mensualmente.

Artigo 11 Plus de compensación

Establécese un plus de compensación para o resto do persoal que non este comprendido nas categorías de conductor-perceptor e conductor e que non tivesen outros pluses ou gratificacións, agás o plus de convenio ou o plus consolidado, que terá un importe de 70,20 euros mensuais.

A estructura salarial para o resto do persoal, que non este incluído nas categorías de conductor nin conductor-perceptor, conterá os conceptos que seguen:

• - Salario base, segundo as táboas salariais.
• - Antigüidade, segundo o establecido no artigo 5.
• - Plus convenio, nas contías do artigo 7.
• - Plus de compensación, segundo establece o presente artigo.
• - Plus consolidado, segundo establece o artigo 8.
• - Plus de quebranto de moeda, se procede, segundo o artigo 10.

Os taquilleiros/as, cobrarán o plus de compensación a pesar do indicado no primeiro parágrafo.

Artigo 12 Dietas

As dietas que corresponden aos traballadores nos seus desprazamentos, ao servicio das empresas, serán de 37,13 (trinta e sete con trece) euros, sen distinción de categorías. A chamada media dieta de xantar, fíxase en 12,39 (doce con trinta e nove) euros, correspondendo á pernoctación 12,39 (doce con trinta e nove) euros.

Fóra de Galicia será de 46,88 (corenta e seis con ochenta e oito) euros a dieta completa e 15,63 (quince con sesenta e tres) euros a media dieta.

No caso de destacamento aplicarase a reducción que sinala a Ordenanza Laboral do Transporte.

Dará dereito ao percibo de dieta completa a realización dun servicio que obrigue ao traballador a xantar, cear e pernoctar fóra da súa residencia habitual.

A parte da dieta correspondente á cea percibirase cando o servicio realizado obrigue a efectuala fóra da sua residencia habitual ou, en todo caso, cando o productor salga antes das 20 horas e regrese despois das 22 horas.

A parte da dieta correspondente á pernoctación percibirase cando o servício realizado obrigue a pernoctar e almorzar fóra da residencia habitual e, en todo caso, cando por tal motivo o regreso se efectue despois das cero horas.

A parte da dieta correspondente ao xantar percibirase cando o servicio realizado obrigue a efectuala fóra da residencia habitual e, en todo caso, cando o productor saia antes das 12 horas e retorne despois das 14 horas.

Artigo 13 Horas extraordinarias

Serán aboadas cun incremento que, en ningún caso será inferior ao 50% sobor o importe da hora ordinaria.

Dadas as especiais características do sector, denominaranse horas extraordinarias estructurais aquelas horas extraordinarias a que se fai referencia no artigo 1 da O.M. 1-03-83, aos efectos do artigo 7 do RD 46/84 de 4 de Xaneiro.

A opción de compensar as horas extraordinarias traballadas por tempo de descanso realizaranse por mútuo acordo empresa e traballador.

Artigo 14 Plus de nocturnidade

Os traballadores que presten os seus servicios en período nocturno. Terán dereito a un plus por ese concepto en cuantía do 25% sobre o valor da hora ordinaria calculada en base a seguinte fórmula:

SB x 12 / 1.816

Se considera traballo nocturno ó realizado entre as 22,00 e as 06,00 horas.

Non darán lugar ao devengo deste plus os servicios que terminen ata as 23,00 horas nin os servicios que comencen despois das 05,00 horas.

Os servicios que finalicen a partir das 23,01 horas devengarán o plus de nocturnidade dende as 22,00 horas ata a hora de finalización da conducción. Do mesmo modo, aqueles servicios que comencen antes das 05,00 horas devengarán o plus dende a hora de saída do servido ata as 06,00 horas, incluíndo en ambos casos as viaxes en vacío que xeneren os servicios mencionados e os tempos de presencia e espera intermedios.

Non terán dereito a este plus aqueles traballadores cuio salario se houbese establecido atendendo a que o traballo sexa nocturno pola súa propia natureza ou que fosen contratados específicamente para prestar traballo nocturno, ou que na súa empresa se encontren percibindo algún outro complemento salarial polo mesmo concepto.

Este plus non computará para o devengo e pago das pagas extraordinarias, horas extraordinarias, vacacións ou permisos.

Este plus entra en vigor a partir da publicación do convenio.

Artigo 15 Denominación do traballo

• a) Traballo efectivo. Considerarase traballo efectivo o tempo que media desde que os traballadores se fan cargo do cometido que deben efectuar no seu centro de traballo ata que cesen no mesmo.

  Aos fins do presente convenio será traballo efectivo para o persoal de movemento:

  • 1º A conducción durante a circulación do vehiculo.
  • 2º Os traballos auxiliares que se efectuen en relación co vehículo, os seus pasaxeiros e a súa carga.
• b) Tempo de presencia. Será tempo de presencia aquel periodo de xornada no que o traballador, aínda que non preste traballo efectivo, se ache a disposición da empresa, tanto nos locais como no vehículo.

  Terán a consideración de tempo de presencia, en relación co disposto no artigo 8 do RD 1.561/95, do 21 de Septembro, as guardias, reténs, expectativas, averías, comidas en ruta e outras similares nas que o traballador, aínda que non preste traballo efectivo, se atope a disposición da empresa.

  O tempo de presencia non excederá de 13 horas semanais.

  As horas de presencia non se computarán a efectos de horas extraordinarias, sen perxuízo de que a súa remuneración sexa de igual contía que as horas ordinarias. Poderán, nembargantes, computarse a efectos de xornada cando se realicen menos horas de traballo efectivo que as legalmente autorizadas, en cuio caso poderán ser computadas a efectos de completar a xornada.

• c) Tempo de espera e dieta de espera. Terá a condideración de tempo de espera aquel en que o traballador non este suxeito á vixiancia do vehículo nas localidades que non sexan principio e fin de traxecto.

  A primeira hora de cada xornada computaráse pola súa totalidade e o resto ao 50%, e se aboarán como tempo de presencia.

  Considerarase que o traballador non está suxeito á vixianza do vehículo cando poda dispor libremente do seu tempo, por non acharse a disposición da empresa.

  As esperas en localidades de principio e fin de traxecto fóra da residencia do traballador, ou de lugar da súa toma habitual do servicio, non computarán, a efectos de xornada, nin como traballo efectivo nin como tempo de presencia. Por dito tempo, exceptuando o de xantar, cea e pernocta, aboarase unha dieta de espera de 2,01 (dous con un) euros por hora.

Artigo 16 Xornada e descanso

• a) A xornada anual será de 1.816 (mil oitocentas dezaseis) horas en cómputo anual, sendo cómputo semanal de 40 horas e en cómputo mensual 166 horas. Considerandose horas extraordinarias aquelas que superen as 1816 horas ao ano, as 166 horas ao mes ou as 9 diarias.

  Respetaranse os topes máximos de conducción establecidos no convenio colectivo, RD 1.561/95 e Regulamentos Comunitarios.

• b) As empresas virán obrigadas a organizar os seus servicios de tal xeito que o persoal descanse de acordo coa lexislación vixente, sendo a regra xeral a dun descanso entre xornadas de 12 horas ininterrumpidas e de día e medio de descanso semanal.

  No medio día de traballo que completa a xornada e media de descanso non poderán realizarse máis de catro horas e media de traballo efectivo, ou en caso de mediar acumulación de medias xornadas cada quince dias, non poderán superarse máis de 9 horas de traballo efectivo.

  Consecuentemente, cando o persoal realice transporte regular de uso xeral ou transporte regular de uso especial, non poderá superar, dende o inicio da súa xornada ata o fin da mesma, as 12 horas, agás aqueles supostos nos que extraordinariamente a lexislación vixente establece un descanso de 10 horas entre xornadas. Neste caso, o tempo que vai dende o inicio ata o fin da xornada poderá-se prolongar 2 horas. Cando o persoal realice outros servicios distintos dos anteriores, serálles de aplicación o R.D. 1561/95 e o Regulamento CEE 3820/85, e o Regulamento CE 561/2006, dende a entrada en vigor de cada unha das súas disposicións.

  En calquera caso en que excepcionalmente se realizase un descanso de menos de 12 horas, compensaráse o tempo descansado de menos, de tal xeito que o tempo descansado de menos nunha semana se agrupe, como máis tardar, ao descanso semanal da que lle segue.

  En todo caso, o descanso mínimo entre xornadas será o de 10 horas.

• c) O tempo total de conducción non poderá exceder de nove horas diarias.
• d) A xornada diaria máxima será de 11 horas cando comprenda situacións de traballo efectivo mais tempo de presencia, agás os recorridos de longa distancia, cando o servício requira a estancia no vehículo de mais dun conductor.
• e) Nos transportes inter-urbanos ningún traballador poderá conducir de xeito ininterrumpido máis de catro horas e media sen facer unha pausa. A duración mínima da pausa será de 45 mínutos, sendo susceptibles de fraccionamento ao longo do tempo de conducción, en periodos de 15 minutos, sen perxuizo da entrada e vigor do Regulamento CE 561/2006 ou calquera outra norma de obrigado cumprimento.

  A duración mínima da pausa será de 45 minutos, sendo susceptibles de fraccionamento ao longo do tempo de conducción.

  En todas as situacións nas que sobrepasen os topes máximos de xornada, como de presencia, comunicaráse tal circunstancia ao Comité de Empresa ou Delegados de Persoal.

• f) Interrupcións de xornada en servicios dentro da Galicia ou entre a Galicia e provincias limítrofes do Estado Español ou Portugal: Plus de interrupción de xornada.

  As interrupcións de xornada inferiores a 30 minutos aboaranse ao valor da hora ordinaria; o exceso de tempo de cada interrupción aboarase a razón de 2,44 euros/hora.

  Consideraranse interrupcións de xornada os periodos de tempo nos que o traballador non realiza traballo efectivo, nen tempo de presencia, dentro dun servicio ou entre dous servicios, agás a interrupción adicada ao xantar, cea ou pernocta, que non se terá en conta aos efectos deste plus. Computase o tempo de interrupción dende a hora de chegada a un punto segundo o cuadro de servicios e a hora de saída dende eses punto, tamén segundo o cuadro de servicios, para continuar o servicio ou iniciar outro novo.

  Entendese que se a interrupción de xornada é inferior a 30 minutos, aboaranse 30 minutos.

  A regulamentación recollida neste apartado será aplicable, alternativamente, unha ou outra a elección do traballador, co réxime previsto neste convenio, nos apartados b) e c) do artigo 15, no referente ao réxime que prevé a regulamentación das comidas en ruta, tomadas as dúas regulamentacións de xeito total.

  As condicións recollidas neste apartado serán compensables e absorbibles, en xeral, no referente ao tempo de espera e dieta de espera e en particular en relación co réxime individual actual na materia de cada traballador.

• g) Xantar: sinalase a obriga de 1 hora para xantar, como mínimo, entre as 12:00 e as 16:00.

  Para o control da xornada establecese un modelo detallado de parte do traballo cuio contido mínimo se reflexa no ANEXO III e que, en duplicado exemplar, se facilitará pola empresa ao traballador para a súa cumplimentación, transcrebendo-se en dito anexo o artigo 14 do Regulamento 3820/85.

Artigo 17 Servicios nocturnos a lugares de ocio

A medida que as empresas implanten sistemas de localización de flota, añadirase simultáneamente un dispositivo de aviso de emerxencia (botón de emerxencia). A data máxima de implantación será o 31 de decembro de 2011.

Artigo 18 Vacacións

Regulanse de conformidade co establecido no artigo 38 do Estatuto dos traballadores, publicado no BOE de 29-03-95.

O periodo total de disfrute das vacacións será de 30 días naturais e non poderán experimentar un fraccionamento superior a dous periodos. En caso de desacordo decidirá a xurisdición competente.

Durante os periodos de vacacións o salario dos conductores-perceptores e conductores estará composto respectivamente, dos mesmos conceptos que se estivese traballando, en concreto os contidos nos artigos 9, agás o plus de interrupción de xornada.

O salario dos restantes traballadores estará composto dos mesmos conceptos que se estiveran traballando, en concreto os contidos no artigo 11.

Artigo 19 Vacacións remuneradas

Durante a vixencia deste convenio, sempre que o traballador conte cunha antigüidade mínima de 10 anos de servicio na empresa, no caso de xubilación voluntaria anticipada, o traballador terá dereito ao seguinte tempo de vacacións:

• - Un ano antes, 55 días de vacacións
• - Dous anos antes, 110 días de vacacións
• - Tres anos antes, 166 días de vacacións
• - Catro anos antes, 242 días de vacacións
• - Cinco anos antes, 284 días de vacacións

As empresas acolleranse ao disposto no RD 1.194/85, do 17 de xullo, sobor da xubilación especial anticipada aos 64 anos, contratando un novo traballador en lugar do que se acolla a este dereito e nas mesmas condicións que determina o citado RD, coa finalidade de colaborar no fomento do emprego.

A xubilación será forzosa para todo o persoal ao cumprir o traballador os 65 anos, sempre que reúna os requisitos exixidos pola seguridade social sobor de periodos de carencia, en atención ás milloras e condicións pactadas neste convenio. Durante a vixencia deste convenio cando se produza a xubilación forzosa (hoxe aos 65 anos), sempre que o traballador conte cunha antigüidade mínima de 10 anos de servicio á empresa, o traballador terá direito a 1,2 dias de vacacións por ano de servicio.

Artigo 20 Permiso de conducción

Se, por sentencia firme, calquer conductor se vira privado do permiso de conducción, a empresa deberá facilitarlle outra ocupación, aínda que sexa de categoria profesional inferior, polo periodo de suspensión do permiso, sempre que non exceda de 15 meses, sen perda dos emolumentos que viña percebendo, e que non sexa debida a embriaguez.

Caso de que o periodo de suspensión do permiso de conducir sexa superior aos 15 meses, e sempre que a retirada non sexa debida a embriaguez, o traballador con máis de dous anos de antigüidade terá dereito, por unha soa vez, a unha excedencia non remunerada polo tempo que dure a suspensión, no seu caso, ata que legalmente, poda incorporarse ao posto de traballo que estaba desempeñando habitualmente e dende o momento en que esta se produza, sendo o límite máximo de dita excedencia o que marque a lexislación para a contratación temporal.

Así mesmo, aplicaranse as garantías legais que se indican anteriormente, no caso de conducción «in itinere», cun máximo dunha hora antes e outra despois da hora de entrada ou saída do traballo, incluso conducindo o seu vehículo proprio.

Artigo 21 Póliza de seguros

Establecese unha póliza de seguros de morte ou invalidez derivadas de accidente de traballo ou enfermidade profesional para cada un dos traballadores aos que afecta o presente convenio, consistente na contía de 19.682,71 (deza nove mil seiscentos oitenta e dous euros con setenta e un) euros e en caso de morte por accidente e de 27.555,80 (vintesete mil quinientos cincuenta e cinco con oitenta) euros en caso de invalidez permanente total, absoluta e grande invalidez.

Estas contías surtirán efectos a partir do mes seguinte ao da publicación no BOP ou DOG (o que antes o publique).

Artigo 22 Defunción

As empresas aboarán, durante a vixencia deste convenio, seis mensualidades dos salarios que figuran na táboa do convenio, máis a antigüidade correspondente, ao familiar do traballador que conviva con él, e por esta orde: 1) Cónxuxe viúvo 2) Fillos 3) Ascendentes, cando aquel faleza estando en activo e leve como mínimo, tres anos na empresa.

Independentemente das mensualidades a que ten dereito, segundo o sinalado anteriormene, aboaraselle a dito familar do traballador o salario do mes en que o produtor faleza, calquera que sexa a data do seu finamento.

Artigo 23 Pases para xubilados

Os xubilados, pensionistas de longa enfermidade, viúvas e fillos orfos menores de 18 anos dos traballadores falecidos en activo, das empresas de liñas regulares, terán dereito a viaxar nas liñas das súas respectivas empresas como se o traballador estivese en activo.

Artigo 24 Comisión paritária

Constitúese unha comisión paritaria como órgano de interpretación, arbitraxe, conciliación e vixilancia do pactado no convenio, composta por seis membros (dous por cada sindicato asinante) en representación dos traballadores e o mesmo número de representantes das empresas, todos eles vogais escollidos por cada parte.

Tamén formarán parte da mesma, con voz pero sen voto, os asesores correspondentes a ambas as dúas partes.

No caso de imposibilidade de asistencia dalgún dos membros designados, serán sustituidos polos suplentes.

A comisión xuntarase cando sexa necesario e a petición de calquera das partes. Os compoñentes da comisión paritaria serán convocados cunha antelación mínima de tres dias.

A efectos da comisión paritaria, as horas sindicais consideraránse co mesmo rango que as utilizadas para a negociación colectiva.

Os acordos da comisión requerirán, para a súa validez, a unanimidade de todas entidades asinantes. No caso de non haber acordo, levantaráse acta que reflexe as diferentes posturas.

As funcións da comisión paritaria serán as que seguen:

• a) Interpretación da aplicación de tóda-las cláusulas do convenio.
• b) Arbitraxe de todas as cuestións que as partes sometan á sua consideración e que se deriven da aplicación do convenio.
• c) Vixilancia do cumprimento do pactado no convenio.
• d) Análise da problemática sectorial en materia de seguridade e saúde laboral e seguimento do estado de cumprimento nestas materias.
• e) Análise e adaptación da contratación temporal ao sector, valorando a posibilidade de introducir cláusulas que reforcen a contratación indefinida.
• f) Cantas outras actividades tendan á maior eficacia práctica do convenio ou veñan establecidas no seu texto.
• g) Incorporar ao texto do convenio os acordos acadados. Os ditos acordos vinculan a ámbalas dúas partes nos mesmos termos que este convenio e incorporaranse a él como anexo.

As actividades da Comisión poderán realizarse en réxime de Comisión Plenaria, composta por todos os membros ou en réxime de sub-comisións específicas coa composición que a Comisión acorde.

A todos os efeitos, fíxase o enderezo da Comisión na Praza de Luis Seoane, Torre 1-entrepranta da Coruña.

Artigo 25 Garantías sindicais

• a) Seccións sindicais de empresa.

  No caso de existir sección sindical, esta poderá facer uso do taboleiro de anuncios para difundir a información, exclusivamente co persoal das empresas e fora das horas de traballo. Para todo elo deberá comunicalo cunha antelación mínima de 48 horas á Dirección da Empresa e ao Comité de Empresa.

  Isto sen perxuízo das faculdades que ás Seccións Sindicais podan outorgar as disposicións legais.

• b) Os membros do Comité de Empresa e Delegados de Persoal, en cada centro de traballo, disporán dun crédito de 15 horas mesuais, como mínimo, dentro da xornada, para o exercicio das funcións de representación, sempre que o soliciten con 48 horas de anticipación.

  A empresa poderá esixir xustificante da utilización concedida, ben do Comité ou da Central convocante. Estes dereitos serán aplicados en caso de que, por disposición legal así se determine.

  As empresas que revistan a forma de sociedades darán conta, anualmente, ao Comité de Empresa ou Delegados de Persoal do balanzo e conta de resultados.

  O recoñecimento de ditos documentos será, a todos os efectos, de carácter reservado.

  A dirección da empresa dará conta ao Comité ou Delegados de Persoal de todas as sancións ou despedimentos.

  A empresa, a petición dos traballadores afiliados ás centrais sindicais que conten, ao menos, cun 10% afiliados á mesma, descontarán a cuota sindical correspondente do recibo dos salarios, depositandoa na conta bancaria sinalada ao efecto.

• c) Excedencias. Amplíase o dereito a solicitar excedencia voluntaria que regula a ordenanza laboral, calquera que sexa o tempo que leve o traballador na empresa cando se base no exercicio do seu cargo sindical.
• d) Comité de seguridade e hixiene.

  Nas empresas de máis de 50 traballadores, estes deberán elexir un Comité de Seguridade e Hixiene, sendo o Comité de Empresa ou os Delegados de Persoal os que terán que ocuparse da súa tramitación.

• e) As empresas poderán pactar cos seus Comites de Empresa ou Delegados de Persoal a acumulación de horas sindicais.

  O crédito horario retribuído de que gozan os Delegados de Persoal e membros do Comité de Empresa, dunha mesma empresa, poderá acumularse nun ou varios deles, sempre que pertenzan a unha mesma central sindical, aínda que elo permita liberar da súa actividade laboral, total ou parcialmente de calquera deles.

  O acordo de acumulación será pactado, en cada caso, a nivel de empresa entre o representante do sindicato e o da empresa, e a designación da persoa ou persoas ás que se aplicará a acumulación de horas derivadas do crédito horario será faculdade exclusiva do sindicato de que se trate, o cal comunicará a súa decisión ao respecto á empresa.

Artigo 26 Permiso retribuído

Os permisos retribuídos regulanse polo disposto no artigo 37 do estatuto dos traballadores.

Os traballadores disfrutarán de 1 día de permiso retribuído, que se poderá acumular unha vez ao ano aos permisos legalmente establecidos no artigo 37, paragrafo 3º a), b) e c) do Estatuto dos Traballadores.

Artigo 27 Incapacidade Temporal

Cando o traballador fose afectado por Incapacidade Temporal (IT), as empresas complementarán as prestacións económicas que teñan dereito a percibir da seguridade social nos seguintes supostos:

• 1.º Cando a IT derive de accidente de traballo ou enfermidade profesional, a empresa completará ata chegar ao 100% da base de cotización para esta continxencia desde o primeiro día ata un máximo de 80 días.
• 2.º Cando a IT derive de enfermidade común ou accidente non laboral, a empresa aboará un 15% da base de cotización diaria a partir do 4º día ata un máximo de 70 días.
• 3.º Cando sexa precisa hospitalización do traballador tanto se se debe a enfermidade ou a accidente, a empresa completará ata chegar ao 100% da base diaria de cotización desde o momento en que esta se produza e mentres a hospitalización dure, cun máximo de 120 dias.

  As empresas, de acordo co establecido no artigo 20 do estatuto dos traballadores, poderán verificar o estado de enfermidade ou accidente do traballador mediante o oportuno recoñecimento médico.

Artigo 28 Indivisibilidade do convenio

O convenio consideraráse un todo indivisible de xeito que, se non fora aprobado na sua integridade, quedará anulado, debendo as partes negociar outro novo.

Artigo 29 Normas supletorias

En todo aquilo que non figure regulado polo presente convenio aplicaráse o Estatuto dos Traballadores, o Real Decreto 1.561/95, o Convenio n^o 153 da OIT, e o Regulamento da C.E.E. 3820/85, Regulamento CE 561/2006, dende a súa entrada en vigor, e demáis lexislación vixente.

Ambas as partes reservaránse o direito de acudir á xurisdicción laboral no caso de que consideren que algún precepto do convenio vulnere ou contradiga normas de dereito necesario.

Artigo 30 Modalidades de contratación

Complementando a normativa vixente na materia, establecense as seguintes modificacións na mesma:

• a) Contrato para a formación.

  Poderán efectuarse contratos para a formación cunha duración máxima de dous anos, nos termos previstos no artigo 11 do Estatuto dos Traballadores e normas de desenvolvimento, para todas a s categorías profesionais en que legalmente sexa posible, agás para mozos de garaxe e taller.

  O salario de contratación será igual ao 90% e 100% do salario base da súa categoría profesional durante, respectivamente o primeiro e o segundo ano de vixencia do contrato.

• b) Contrato en prácticas.

  Poderán concertarse contratos en prácticas, cunha duración máxima de dous anos nos termos establecidos no artigo 11 do Estatuto dos Traballadores e normas de desenvolvemento.

  A retribución dos traballadores cun contrato en prácticas será do 90% e 100% do salario base da sua categoría profesional durante, respectivamente, o primeiro e o segundo ano de vixencia do contrato.

• c) Contrato de duración determinada por circunstancias da producción.

  Poderán celebrarse contratos por circunstancias da producción nos termos establecidos no artigo 15.1b) do Estatuto dos Traballadores e normas de desenvolvemento.

  Poderán celebrarse por periodos que, un a un ou en conxunto, non superen 12 meses dentro do periodo de 18 meses.

  O seu réxime xurídico, agás no que atinxe á sua duración, será equivalente ao do contrato indefinido en canto ao disfrute de beneficios salariais (antigüidade e réxime de complementos) e non salariais (permisos, licencias, indemnizacións de 45 días por ano de servicio no caso de despedimento disciplinario declarado improcedente, etc...)

  Ao remate do contrato aboaráse ao traballador unha indemnización de 10 días por ano de servicio, calculada en proporción á duración de dito contrato.

• d) Contrato fixo discontinuo

  As empresas que saturen con outras actividades a xornada de traballo dos traballadores contratados para realizar transporte escolar, ben a través de concesións públicas ou ben a iniciativa propria ou por concerto con APAS ou colexios públicos ou privados, deberán utilizar a presente modalidade contractual cuxas características son as que seguen:

  • 1. Fíxase o periodo de actividade a que se refire dito contrato en función do que cada ano determine o organismo competente como inicio e remate do curso escolar.
  • 2. A provisión de postos de traballo desta modalidade contractual efectuaráse por rigorosa antigüidade do traballador na empresa en contratos desta modalidade.
  • 3. O chamamento deberá efectuarse con 7 dias de antelación á data de inicio de actividade, comunicandoo simultaneamente aos representantes dos traballadores.
  • 4. A anterior data será a data de inicio das eventuais reclamacións por despedimento nos supostos de non chamamento.

Artigo 31 Mobilidade xeográfica

• a) Desprazamentos.

  As empresas poderán desprazar ao seu persoal a centros de traballo distintos a aquel no que presten os seus servizos fundamentando dito desprazamento en razóns tecnicas, organizativas, de producción, ou de contratación.

• b) Traslado.

  Entendese por traslado o desprazamento a outro centro de traballo que implique un cambio de enderezo. Entendese que un desprazamento implica cambio de enderezo cando o centro de traballo ou novo destino diste máis de 40 kilometros do seu centro ou do seu enderezo actuais.

  Para os supostos de traslados de persoal polos motivos contemplados na Lei, estabelecense os mecanismos que seguen:

  • - Negociación preceptiva coa representación legal dos traballadores.
  • - Intervención dos mecanismos do AGA.
  • - Preaviso de 45 dias.
  • - Prazo de incorporación ao novo centro de traballo 30 dias.
  • - Os traslados non terán unha duración inferior a 12 meses nun periodo de 3 anos.
  • - Se, por traslado, un dos cónxuxes cambia de residencia, o outro, se fose traballador da mesma empresa, terá dereito ao traslado á mesma localidade.

  Os casos de traslado darán lugar ao devengo polo traballador trasladado dos seguintes conceptos compensatorios:

  • - Billete para o traballador e os familiares que vivan as suas expensas.
  • - Transporte do mobiliario, roupa e enseres do seu fogar.
  • - Indemnización consistente e dúas veces o salario base mensual da súa categoría profesional, nun único pagamento.
  • - Compensación durante 12 meses na diferencia do custe de vivenda en aluguer (vivenda das mesmas características).
  • - Notificada a decisión de traslado, o traballador poderán optar pola extinción do seu contrato, percibindo unha indemnización de 25 días de salario por ano de servizo, prorrateando-se por meses os periodos inferiores a un ano e cun máximo de 12 mensualidades.

Artigo 32 Cláusula de descolgue salarial

Os compromisos en materia salarial do presente convenio serán de aplicación para todas as empresas afectadas polo ámbito funcional.

Para as empresas que pretendan acollerse á clausula regulada no presente artigo estabelecense os mecanismos que seguen:

• 1.º.- Negociación coa representación legal dos traballadores en Comisión Paritaria do convenio.
• 2.º.- Mecanismos do AGA.

A todos os mecanismos citados anteriormente se aportará a documentación que segue :

• - Acreditación por medio de contabilidade oficial dos resultados dos tres últimos exercicios nos que se demostre que durante os mesmos se produciron perdas reais.
• - Plan de viabilidade para o periodo que se pretenda a aplicación de dita cláusula de exención e a xustificación económica e a súa repercusión real no melloramento real dos resultados da empresa.
• - Os representantes legais dos traballadores, así como os seus asesores, están obrigados a tratar e manter na maior reserva a información recibida e os dados a que tivesen acceso como consecuencia do estabelecido nos paragrafos anteriores, observando, por conseguinte, respeto de todo sixilo profesional.

Artigo 33 Saúde Laboral

Establecese unha Comisión de Saúde Laboral de carácter técnico e consultivo con vistas a facer previsións sobre saúde e riscos laborais, que se adapten aos requerimentos deste sector en materias como:

• - protocolo de avaliación e revisión de autobuses.
• - Itinerarios de vixianza da saúde.
• - Outras materias de configuración especializada no transporte.

Disposición adicional primera cláusula de acolllida ao AGA

Ante a importancia que pode ter para a resolución pacifica dos conflitos laborais a elaboración do Acordo Interprofisional Galego sobre procedimentos extraxudiciais de solución de conflitos colectivos de traballo (AGA), asinado entre a Confederación de Empresarios de Galiza e as organizacións sindicais CIG, CC.OO e UGT, as partes asinantes deste convenio, durante a vixencia do mesmo, acordan someter-se ás disposicións contidas no AGA nos próprios termos en que están formuladas. Igualmente acordan asumir respecto a conflitos individuais, o AGA II a partir da sua sinatura.

Disposición adicional segunda

Cando se realicen cursos de formación profesional contínua, e voluntariamente o realicen os traballadores, previa autorización da empresa, o tempo empregado na duración dos mesmos será repartido o 50% en horas de traballo e o outro 50% en horas de descanso do traballador.

Disposición adicional tercera

O réxime disciplinario a aplicar é o contido no anexo dous.

Disposición adicional cuarta

Debido á dificuldade de interpretación do artigo 15.b) do convenio colectivo dá-se aos representantes dos traballadores e a dirección das empresas a potestade de adaptar dito artigo á realidade concreta de cada empresa, sendo estes os únicos que están posibilitados para desbloquear as excepcións.

No caso de inexistencia de representación dos traballadores ou imposibilidade de acadar un acordo no seo das empresas someteránse a cuestión á Comisión Paritaria, a cal reunirase a instancia de calquera das entidades asinantes do convenio colectivo.

Disposición adicional quinta

Constituirase no prazo de 3 meses unha Comisión Negociadora Especial que teña como función incorporar ao actual texto do convenio colectivo todo o que se pacte en relación con:

• a. carné de conducir por puntos
• b. cuadro de servizos e descansos
• c. excedencias
• d. dietas de pernocta

Disposición final

Conscientes da necesidade de adecuar a regulamentación convencional sectorial a un marco autonómico, dada a circunstancia, de estar residenciadas a maior parte das competencias en materia de transportes na Xunta de Galicia, ambas as duas partes se comprometen a propiciar, a través das respectivas organizacións a nivel autonómico, a negociación o próximo ano dun convenio colectivo nacional galego para o sector, co rango de convenio estatutario e con prioridade á negociación de un novo convenio de ámbito provincial. As dificultades que se poidan producir tanto na constitución da correspondente relación xurídica previa como na constitución formal da mesa resolveránse polas partes, de ser preciso, ao abeiro do AGA.

No suposto de que chegue a concertarse este convenio colectivo de ámbito galego, sustituirá ao presente, se nunha valoración global fose máis beneficioso para os traballadores.

Artigo 1

Son faltas as accións ou omisións dos traballadores cometidas con ocasión do seu traballo, en conexión con este ou derivadas del, que supoñan infracción das obrigas de todo tipo que ao traballador lle veñen impostas polo ordenamento xurídico por este Convenio e por as demais normas e pactos, individuais ou colectivos, calificandose en leves, graves ou moi graves.

Artigo 2

Son faltas leves:

• 1. Tres faltas de puntualidade no traballo, sen a debida xustificación, cometida no periodo dun mes, que non afecten ao servicio de movimento.
• 2. Non notificar, con carácter previo á ausencia, por calquera medio, podendo facelo, a imposibilidade de acudir ao traballo e a súa causa.
• 3. O abandono do traballo dentro da xornada, sen causa xustificada.
• 4. Neglixencias na conservación do material.
• 5. A non utilización do vestiario e equipo que fose facilitado pola empresa con instrucións de utilización (entendendo que as instrucións teñen que ser amplamente coñecidas polos traballadores ben por que fosen comunicadas por escrito ou por que estexan publicitadas por algun medio pola empresa ou por que constituan un costume da empresa).
• 6. Faltar ao traballo un día, sen causa xustificada, no período dun mes.
• 7. As faltas de respeto e consideración a quen traballa na empresa, aos usuarios e ao público.
• 8. Retraso de 1 a 2 dias na entrega da recaudación diaria, agás domingos e festivos, sempre que o retraso sexa imputable ao traballador.

Artigo 3

Son faltas graves:

• 1. Máis de tres faltas non xustificadas de puntualidade na asistencia ao traballo, cometidas durante o periodo dun mes, que non afecten ó servicio de movemento.
• 2. Faltar dous días ao traballo, durante un mes, sen causa xustificada.
• 3. A desobediencia ás ordes e instrucción do empresario en calquera materia de traballo, incluido o control de asistencia, así como non dar cumprimento aos trámites administrativos que sexan presusposto ou consecuencia da actividade que ten que realizar o traballador.
• 4. A alegación de causas falsas para as licencias.
• 5. As imprudencias ou neglixéncias en acto de servicio.
• 6. Realizar sen permiso traballos particulares durante a xornada, así como o emprego para usos proprios do material da empresa.
• 7. O abuso de autoridade con ocasión do traballo, considerandose tal a comisión dun feito arbitrario sempre que concorran infracción manifesta e deliberada dun precepto legal e perxuízo notorio para un inferior.
• 8. As expresadas nos apartados , 2, 3, 4 e 6 do artigo 2, sempre que:

  A falta de notificación con caracter previo á ausencia (art. 2.2), o abandono do traballo dentro da xornada (art. 2.3), ou a falta ao traballo sen causa xustificada (art. 2.6), sexan motivo de retraso na saída dos vehículos ou produzan trastorno no normal desenvolvemento da actividade; e que as neglixencias na conservación do material (art. 2.4) se deriven perxuizos para a empresa.

• 9. Retraso de tres a seis días na entrega da recaudación non termos do artigo 2.8.
• 10. A falta de puntualidade ó traballo que afecte ao servicio de movemento sen causa xustificada e que afecte gravemente ó servicio.

Artigo 4

Son faltas moi graves:

• 1. As faltas inxustificadas ao traballo durante tres dias consecutivos ou seis alternos nun período de seis meses.
• 2. As ofensas verbais ou físicas ao empresario ou ás persoas que traballan na empresa.
• 3. A trasngresión da boa fe contractual, así como o abuso de confianza no desempeño do traballo, considerandose como tais o fraude ou a deslealdade nas xestións encomendadas; o furto ou roubo, tanto aos seus compañeiros de traballo como á empresa ou a calquera persoa, realizado dentro das dependencias ou vehículos desta ou en calquer lugar se é en acto de servicio; violar o segredo da correspondencia ou revelar a extraños dados que se coñezan por razón do traballo.
• 4. A embriaguez habitual ou toxicomanía se repercuten negativamente no traballo.
• 5. A imprudencia ou neglixencia en acto de servicio se implicase risco de accidente ou perigo de avaría para a maquinaria, vehículo ou instalacións.
• 6. O retraso de máis de seis días na entrega da recaudación nos termos do artigo 2.8.

Artigo 5

Non se considerará inxustificada a asusencia ao traballo por privación de liberdade do traballador, se este fose posteriormente absolto dos cargos que desen lugar á sua detención.

Artigo 6

1. As sancións que poderá impor a comisión de faltas disciplinarias serán as que seguen:

• a) Por faltas leves: amonestación (por escrito); suspensión de emprego e soldo de ata tres días.
• b) Por faltas graves: suspensión de emprego e soldo de catro a vinte dias.
• c) Por faltas moi graves: suspensión de emprego e soldo de vinteún a trinta dias; despedimento.

2. As multas impostas por infraccións das disposicións de tráfico e seguridade vial (que non teñan nada que ver co estado do vehículo e que non veñan motivadas por imperativo do servicio) deberán ser satisfeitas polo que sexa responsabel destas.

Artigo 7

As faltas leves prescribiran aos 10 dias; as graves, aos vinte dias, e as moi graves, aos 60 dias, a partir da data na que a empresa tivo coñecemento da sua comisión, e, en todo caso, aos seis meses de cometer-se.

Artigo 8

• a) Todas as sancións terán que ser notificadas por escrito ao traballador, dando un prazo para interpor recurso perante a empresa de 2 dias para as faltas leves e 5 para o resto. Transcorridos os prazos para presentar recurso sen que este se presentara, entendese que a sanción é firme dende o primeiro día. Presentado o recurso en prazo, o empresario ten 5 dias para contesta-lo por escrito, de non face-lo neste prazo entendese que a sanción e firme dende este último día (a efectos do disposto no artigo 114 da lei de procedimento laboral)

  No caso de sanción con despedimento non caberá este procedimento de recurso ante a empresa, quedando expedita a via do artigo 103 da lei de procedimento laboral.

• b) Todas as sancións serán tamén notificadas ao mesmo tempo que ao interesado ao comité de empresa ou delegados de persoal.
• c) En todas as notificacións de sanción terá que figurar a lenda: «esta sanción poderá ser recorrida perante a xurisdición social no prazo de 20 dias hábiles», nos termos do apartado a).
• d) Se non se cumpren os requisitos deste artigo a sanción será nula.
• e) Aos membros do Comité ou delegados de persoal será preceptivo a apertura dun expedente contraditorio no suposto de faltas graves e moi graves, no que serán escoitados, a parte do interesado, o Comité de empresa ou Delegados de persoal.

Artigo 9

A reincidencia de calqueira falta, aínda que sexa de distinta natureza, cometidas dentro do mesmo trimestre e que foran sancionadas, implicará a súa calificación como falta do grupo inmediatamente superior.