Resolución de 12 de agosto de 2013, de la Consellería de Trabajo y Bienestar, por la que se ordena el registro, depósito y publicación del convenio colectivo del sector de industrias y despachos de panificación, confiterías, pastelerías, reposterías y platos cocinados de la provincia de Pontevedra para los años 2012-2013

CONVENIO COLECTIVO SECTOR DE INDUSTRIAS E DESPACHOS DE PANIFICACIÓN, CONFEITERÍAS, PASTELERÍAS, REPOSTERÍAS E PRATOS COCIÑADOS DA PROVINCIA DE PONTEVEDRA 2012/2013 APROINPPA

CAPÍTULO I
ÁMBITO DE APLICACIÓN

1. ÁMBITO DE APLICACIÓN

Este convenio colectivo regula as relacións laborais de todas as industrias e despachos de panadería, confeitería, repostería e pratos cociñados da provincia de Pontevedra.

No non regulado nel, acolleranse ao Acordo Marco Sectorial publicado o 13 de febreiro de 1996.

2. ÁMBITO TERRITORIAL

A eficacia deste convenio atinxe a cantas empresas, sucursais e establecementos estean establecidos dentro dos límites territoriais da provincia de Pontevedra.

3. VIXENCIA E PRORROGAS

O convenio colectivo entrará en vigor o 1 de xaneiro de 2012 ata o 31 de decembro de 2013, prorrogándose automaticamente ano a ano, de non mediar denuncia das partes cunha antelación de, polo menos, dous meses ao remate da súa vixencia.

O vixente Convenio, con independencia de a sua vigencia prevista, manterá a sua aplicación ata que sexa substituido por un Convenio do mismo ámbito.

4. COMISIÓN PARITARIA

• 1) Créase unha comisión paritaria, coas seguintes funcións:
  • a) Mediación, arbitraxe e conciliación nos conflitos individuais ou colectivos que lle sexan sometidos e aqueloutras funcións que deriven da aplicación deste convenio.
  • b) As de interpretación e aplicación do pactado.
  • c) As de seguimento do conxunto de acordos.
• 2) Os acordos aos que chegue a Comisión paritaria, en cuestións relacionadas con este convenio, consideraranse parte del e terán a mesma eficacia e obrigatoriedade. Os mencionados acordos remitiranse á autoridade laboral para o seu rexistro.
• 3) A Comisión paritaria quedará composta por cinco membros da Asociación Provincial de Industriais de Panificación e Pastelería da Provincia de Pontevedra (APROINPPA) e por cinco membros da representación social. Os membros da representación social serán os tres sindicatos que correspondan en proporción ao número de representantes nas empresas nas que sexa aplicable o vixente convenio. Poderán asistir mediante asesor con voz pero sen voto.
• 4) As partes acordan emitir un regulamento de funcionamento da mencionada Comisión paritaria, no prazo dun mes contado a partir do asinamento deste convenio.
• 5) A comisión Paritaria adoptará os acordos necesarios no prazo da vixencia do Convenio 2012/2013 para adecuación das categorias profesionais reguladas no mesmo a previsión legal do Estatuto dos Traballadores.

ART 4 Bis DESCOLGUE DO CONVENIO

1. Aquelas empresas que acrediten de xeito fehacente uns resultados negativos durante os anos 2017 e 2018 poderán non aplicar as condiciones salariais que se establecen no convenio colectivo sempre que se decida por acordo cos representantes dos traballadores con lexitimación para negociar e que dito acordo conteña unha programación progresiva para recuperar en todo caso as condicións salariais iniciais. Para isto, remitirán o Balance e Conta de Resultados de ditos anos á Comisión Paritaria, a cal examinará os datos achegados, requirindo, no seu caso, a maior información que precise, ditando seguidamente e no prazo máximo de quince días hábiles, resolución polo cal se considere ou non descolgada das condicións salariais á empresa solicitante.

Os efectos de tal descolgue limitaranse exclusivamente ó periódo de vixencia do Convenio, debendo a empresa afectada actualizar os salarios dos traballadores na forma e porcentaxe que para dito momento estea prevista no Convenio unha vez transcurrido dito periódo. En calquera caso, a inaplicación determinará con exactitude as novas condicións de traballo na empresa. En todo caso, a entrada en vigor dun novo convenio elimina as cláusulas de descolgue, que sempre ten carácter conxuntural. E, finalmente, por exixencia legal, no se aplica o descolgue ós traballadores/as en situación de incapacidade temporal, nin nos casos de aplicación de medidas para paliar as situacións por discriminación.

2. En caso de desacordo, establecerase que dita cláusula de descolgue se revisará pola Comisión Paritaria que se non considerase o acordo, procederá consorte ó previsto no Acordo Galego sobre Procedementos Extraxudiciais e Solución de Conflictos de Traballo. Ou, no seu caso, ó Servizo Público da Inspección de Traballo e Seguridade Social. O prazo para estes trámites, establécense no mes seguinte no que a Comisión Paritaria teña coñecemento do expediente de descolgue correspondente».

Asimesmo, acórdase delegar no persoal habilitado do Consello Galego de Relacións Laborais a potestade para a presentación da documentación e realización dos trámites oportunos ante a Autoridade Laboral a través da plataforma REGCON, co fin de presentar este acordo para o seu rexistro, depósito e publicación oficial, se procede.

LE0000599342_20170508Artículo 4 bis introducido por la Modificación del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra, 2012-2013 («B.O.P.PO.» 13 junio 2017).Vigencia: 8 mayo 2017

CAPÍTULO II
RÉXIME DE TRABALLO

5. ORGANIZACIÓN DO TRABALLO

As empresas, para a organización do traballo, actuarán dentro das normas establecidas neste convenio e nas demais disposicións legais que lles sexan aplicables.

6. XORNADA DE TRABALLO

A xornada de traballo será de 40 horas semanais de traballo efectivo, tanto para a xornada continuada como para a xornada partida. En caso de efectuar xornada continua establécese un tempo de descanso de 15 minutos.

Sen prexuízo da liberdade das empresas para traballar en domingos e festivos, os traballadores e traballadoras desta provincia gozaran do descanso semanal no dito día.

Porén, as empresas poderán pactar co traballador/a o seu traballo en domingos e festivos sempre que se respecten as condicións seguintes:

• a) Que o traballador/a acepte voluntariamente realizar o seu traballo en domingo ou festivo.
• b) Que o traballo nese día sexa retribuído, sen prexuízo do descanso semanal que lle corresponda en compensación, amais do salario normal, como mínimo un 120% del, acordándose que para os anos de vixencia do convenio, non se aplicará a revalorización ó concepto dos domingos e festivos, e quedando nas taboas como tal concepto, tomando como base a siguiente formula.

Salario anual (segundo taboas e antigüidade a 31 decembro 2018) dividido pola xornada anual de 1800 horas e multiplicado polo 120% máis A cantidade que así resulte de dito cómputo, se determina en taboas adxuntas para os traballadores con complemento persoal. Para os traballadores que perciban complemento de antigüidade, dada a diversidade de cuantías dos mesmos, non se fai constar en táboa debendo calcularse conforme os parámetros da fórmula indicada.

Aqueles traballadores e traballadoras que sexan contratados para traballar en domingos ou festivos quedan exonerados da voluntariedade descrita no apartado anterior, se ben percibirán as compensacións económicas que se establecen neste artigo, igual co resto dos traballadores e traballadoras.

En aplicación do reflectido no artigo 34.2 do Estatuto dos Traballadores, e non obstante o previsto no apartado b) anterior, establécese a posibilidade de acumulación de 100 horas o ano, como máximo, para poder ampliar ou reducir a xornada de traballo a través dunha distribución irregular da mesma de xeito que o final do ano o saldo de horas entre traballador/a e a empresa sexa cero. Os únicos limites da acumulación serán os seguintes:

• a) Respetarse un preaviso de 5 días.
• b) A duración da xornada semanal non poderá superar as 48 horas.

LE0000673695_20200218Artículo 6 redactado por la Modificación e incremento salarial para 2019 y 2020 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 27 agosto 2020).Vigencia: 18 febrero 2020

7. DÍAS DE INACTIVIDADE OBRIGATORIA

Consideraranse días de inactividade laboral obrigatoria, os seguintes:

• Día 25 de decembro festividade do Nacemento do noso Señor
• Día 1 de xaneiro festividade de Ano Novo.
• Día 1 de maio Día Internacional da Clase Obreira

Establecese igualmente, como día de inactividade obrigatoria, o día Día do Patrón, día laborable no festivo, o cal fixarán de común acordó a empresa e os traballadores e traballadoras.

Se por necesidades da producción fora necesario traballar calquera destes días, de común acordó entre empresa e o traballador/a, este/a último/a terá dereito a un día de vacacións a maiores.

LE0000673695_20200218Artículo 7 redactado por la Modificación e incremento salarial para 2019 y 2020 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 27 agosto 2020).Vigencia: 18 febrero 2020

8. CALENDARIO LABORAL

Cada ano, a empresa confeccionará o obrigatorio calendario laboral cos correspondentes horarios de traballo, consonte a normativa legal vixente en cada momento. O calendario será exposto nun lugar visible para xeral coñecemento.

O devandito calendario terá a duración da xornada anual coas particularidades establecidas neste convenio.

9. VACACIÓNS

O persoal afectado por este convenio terá dereito ao gozo dun período anual de vacacións, de acordo coas seguintes condicións:

• - As vacacións terán unha duración de trinta e un días naturais para todo o persoal, calquera que sexa a súa categoría profesional.
• - O salario que se percibirá durante o período de vacacións calcularase a razón do salario base de convenio máis a antigüidade ou complemento persoal.
• - O período de vacacións pactarano de común acordo a empresa e o traballador/a en épocas que tradicionalmente non haxa unha especial actividade no sector, de maneira rotativa e preferentemente no verán.
• - O persoal de baixa por incapacidade temporal (IT), con independencia da orixe desta, disporá e gozará da totalidade das vacacións, sempre que a súa reincorporación ao traballo se produza dentro do mesmo ano natural.

10. INGRESOS E CESAMENTOS

Todo o persoal, agás situación máis beneficiosa para este, ingresará na empresa cos seguintes períodos de proba:

Persoal técnico: 3 meses

Persoal administrativo: 1 mes

Persoal mercantil: 1 mes

Persoal non cualificado: 15 días

Transcorrido o período de proba sen denuncia por ningunha das partes, o traballador/a continuará na empresa baixo as condiciones establecidas neste convenio ou no contrato de traballo.

O cesamento na empresa debe comunicalo o traballador, polo menos, con 15 días de antelación e por escrito. Sen este requisito, a empresa poderá descontarlle da liquidación o importe das retribucións diarias por cada día de atraso no aviso.

11. LICENZAS E PERMISOS

As licenzas e permisos que a empresa poderá conceder ás traballadoras e traballadores serán os que se recollen no cadro de licenzas, ausencias e facilidades concedidas aos traballadores/as, unido como anexo iv a este convenio.

12. IGUALDADE NO TRABALLO

Respectarase o principio de igualdade en todos os postos de traballo, tanto para o home como para a muller, sen ningún tipo de discriminación, e desaparecerá calquera trato de desigualdade tanto favorable como adversa que se practicara por razón de sexo.

CAPÍTULO III
CONDICIÓNS ECONÓMICAS

13. SOLDOS E SALARIOS

Para o ano 2019 páctase un incremento salarial dun 1,2 % sobre o salario base e o complemento persoal ou antigüedade recollidos nas vixentes táboas salariais do ano 2018; Este incremento acórdase con efetos retroactivos dende o 1 de xaneiro de 2019, debendo aboarse os atrasos como máximo en dous pagos mensuais a contar dende o mes seguinte á publicación do presente acordo no boletín oficial provincial.

Para o ano 2020 páctase asímesmo un incremento salarial dun 1,25% sobre o salario base e o complemento persoal ou antigüidade recollidos nas táboas salariais do ano 2019, xa actualizado. Non obstante o anterior, se de aplicar ó salario das táboas do ano 2019 o IPC final do ano 2020 máis un 0,5% resultase una diferenza a favor dos traballadores en relación ó incremento xa recibido do 1,25%, estes recibirán ditos atrasos na nómina do mes de xaneiro de 2021, cunha subida máxima salarial que se pacta como tope en relación coas táboas salariais do 2019 do 1,6%

Os soldos e salarios deste convenio fíxanse por unidade de tempo calquera que sexa a periodicidade coa que se fixera efectivo.

En todo caso garantizarase o salario mínimo interprofesional de tal xeito que as cantidades salariais que por todos os conceptos perciban os traballadores no seu conxunto e en cómputo anual no poderán ser inferiores a aquél.

As nóminas faranse efectivas do 1 o 5 do mes seguinte o seu devengo.

Véase Modificación e incremento salarial para 2019 y 2020 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 27 agosto 2020).LE0000673695_20200218

LE0000673695_20200218Artículo 13 redactado por la Modificación e incremento salarial para 2019 y 2020 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 27 agosto 2020).Vigencia: 18 febrero 2020

14. ANTIGÜIDADE

Os traballadores e traballadoras afectados por este convenio, contratados a partir da fecha do un de xaneiro do Dos Mil Sete, data de publicación do presente Convenio, e de non acollerse a Disposición Adicional,. non devengarán complemento ningún de antigüidade; percibirán por compensación desta a cantidade de 102,38 € (2012) y 103,56 € (2013) en cada mensualidade percibida e en cada categoría, calquera que sexa o seu salario e condicións.

Para as traballadoras e traballadores con contratos vixentes ao 31 de decembro de 2006, que non soliciten a adaptación ao convenio común, respectaranse os dereitos adquiridos nos anteriores textos normativos do convenio de cada un deles, é dicir:

• - Traballadores/as do Convenio de Panificación: dous bienios do 5 % e catro quinquenios do 10 % da retribución base.
• - Traballadores/as do Convenio de Confeitería, Pastelería, Repostería e Pratos Preparados:

  consistirá en cuadrienios ao 6 % sobre o salario base de convenio.

15. GRATIFICACIÓNS EXTRAORDINARIAS

Os traballadores/as afectados por este convenio percibirán tres pagas extraordinarias de salario base máis antigüidade ou complemento persoal, no caso de térena consolidada, cos seguintes prazos:

• - Paga de verán, percibirase antes do 30 de Xullo.
• - Paga de Nadal, percibirase antes do 30 de Novembro.
• - Paga do Patrón, percibirase antes do 15 de Abril.

Estas pagas percibiranse en proporción á anualidade precedente do contrato e os períodos habidos de incapacidade temporal non afectarán ás contías destas.

16. COMPLEMENTO DE TRANSPORTE

O complemento por desprazamento -complemento de transporte- está incluído nos salarios base das táboas salariais anexas, desaparecendo como complemento individualizado.

17. HORAS EXTRAORDINARIAS

As horas extraordinarias pagaránse cun 75% de recarga sobre o salario total (salario base + complemento persoal ou antigüedad) da taboa salarial correspondente á hora ordinaria.

As horas extraordinarias traballadas en domingos ou festivos pagaránse cun 150% de recarga sobre o salario total (salario base + complemento persoal ou antigüídade) da taboa salarial correspondente á hora ordinaria. O complemento de domingo o festivo só se percibirá pola xornada ordinaria.

Cabe a posibilidade de compensar as horas extraordinarias con tempos equivalentes ao descanso retribuido, incrementados na porcentaxe citada, todo isto de común acordo empresa e traballador/a.

LE0000673695_20200218Artículo 17 redactado por la Modificación e incremento salarial para 2019 y 2020 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 27 agosto 2020).Vigencia: 18 febrero 2020

18. XUBILACIÓN PARCIAL

A todo o persoal que solicite a xubilación a tempo parcial e reúna os requisitos legais esixidos para isto, seralle concedida pola empresa, coa única condición de que se solicite, polo menos, con noventa días de antelación.

19. SEGURO DE ACCIDENTES

As empresas afectadas por este convenio subscribirán, con efectos do 1 de xaneiro de 2013, unha póliza de accidentes, con primas íntegras ao seu cargo, que cubran as seguintes continxencias e indemnizacións de todo o persoal:

• - Accidente laboral ou común con resultado de morte, invalidez permanente total, absoluta ou grande invalidez, por un capital de 21.000,00 euros.
• - As indemnizacións faránselles efectivas aos traballadores/as ou aos seus habentes causa.

20. COMPLEMENTO POR INCAPACIDADE TEMPORAL

Durante as situacións definidas pola Seguridade Social, a empresa aboará desde o primeiro día de baixa do traballador ou traballadora o 75 % do salario base máis os complementos de antigüidade ou o complemento persoal, e a partir do décimoquinto día, e ata o último día do duodecimo mes de baixa, o 100 % do dito salario base máis antigüidade ou complemento persoal. No caso de baixa por maternidade, ingreso hospitalario, accidente de traballo ou enfermidade profesional, aboarase o 100 % do salario base máis o complemento de antigüidade ou o complemento persoal desde o primeiro día e ata o duodecimo mes de baixa.

21. AXUDAS DE CUSTO

Terá dereito a axuda de custo aquel persoal que, mediante orde expresa do empresario ou persoa que o represente, se vexa forzado a realizar asuntos ou traballos de carácter profesional, por conta da empresa, con desprazamentos fóra do centro de traballo que lle imposibiliten o regreso, debendo efectuar comidas ou aloxarse nestes lugares, polo que percibirán as seguintes contías:

Axuda de custo completa: 32,45 €

Xantar: 14,04 €

Cea: 10,04 €

Aloxamento: 15,62 €

Almorzo: 3,73 €

22. RÉXIME TRANSITORIO DE AXUDA ESCOLAR

As táboas salariais, correspondentes ao ano 2007, incorporan a axuda escolar da que dispoñían os traballadores/as de pastelería e repostería, que desaparecen como concepto individualizado; en cambio, subsisten os dereitos derivados daqueles traballadores/as que en abril de 1991 adquiriran o dereito complementario de incapacidade por fillo discapacitado, manténdoo nos mesmos termos ca no convenio Colectivo de 1990.

CAPÍTULO IV
DISPOSICIÓNS VARIAS

23. ALTAS NA SEGURIDADE SOCIAL

A empresa está obrigada a lle entregar ao persoal unha copia da súa alta na Seguridade Social, para o que disporá dun prazo de una seman desde a súa incorporación ao traballo.

24. SEGURIDADE SOCIAL, SAÚDE LABORAL E ALIMENTARIA

As obrigas previstas na Lei de prevención de riscos laborais e nos seus regulamentos han concretarse en cada empresa de acordo coas esixencias establecidas nos capítulos III e IV da devandita lei sobre actuación preventiva, avaliación de riscos, plan de emerxencia, información e formación das traballadoras/es, vixilancia da saúde do persoal en relación cos riscos do seu posto de traballo.

Para estes efectos designarase un traballador/a ou traballadores/as que se ocuparán da prevención, ou farase cargo persoalmente o empresario, ou proverase en servizo alleo ou ben a través da Mutua de Accidentes de Traballo e Enfermidade Profesional.

A empresa que conte con delegado/a de persoal, coidará de lle facilitar o cumprimento que lle corresponda das funcións do delegado de prevención.

Co fin de cumprir a normativa vixente en materia de saúde laboral, todo o persoal da empresa terá dereito a unha revisión médica anual, que se realizará, en calquera caso, a cargo da empresa.

Igualmente, deberanse cumprir da forma máis estrita posible aquelas disposicións legais en materia de manipulación de alimentos e boas prácticas alimentarias.

25. PRENDAS DE TRABALLO

Con carácter xeral, as empresas suxeitas ao presente convenio fornecerán o persoal ao seu servizo, obrigatoria e gratuitamente, do seguinte número de prendas de roupa ao ano ou fracción do ano, as cales poranse ao dispor da traballadora ou traballador no momento da súa contratación:

• - 2 chaquetas curtas
• - 2 pantalóns
• - 4 mandís
• - 2 gorros

O seu uso será obrigatorio. Así mesmo, o persoal estará obrigado a conservar as prendas de traballo en bo estado.

26. EXCEDENCIAS E SUSPENSIÓN DE CONTRATOS

Canto ás excedencias e suspensións de contratos, haberá que aterse ao que establece o Estatuto dos Traballadores nos artigos 45 a 48, matizando que o período mínimo de excedencia voluntaria será dun ano e só poderá ser por menos prazo en caso de causa xustificada de carácter familiar, estudos, etc.; e no que se refire á reserva do posto de traballo e cómputo da antigüidade, estenderase durante todo o período de excedencia por estas causas.

27. COMITÉS DE EMPRESA

A empresa facilitará, na medida do posible, e se dispuxer del, local para reunións e consultas dos delegados/as ou comités de empresa co persoal, amais dun taboleiro para as súas comunicacións, avisos, carteis, etc.

28. DEREITOS SINDICAIS

Haberá de aterse ao disposto na vixente Lei orgánica de liberdade sindical de 1985.

29. GARANTÍAS AD PERSONAM

Este convenio en concreto respectará as condicións persoais que, globalmente consideradas, excedan do pactado no seu contido económico ou social, manténdose estritamente ad personam.

30. PARTES ASINANTES

Este convenio asinárono as Asociacións de Industriais de Panificación da provincia de Pontevedra (Aproinpa) e a asociación de empresarios Artesáns de Pastelería da Provincia de Pontevedra, integradas hoxe en día nunha única entidade, a Asociación Provincial de Industriales de Panificación y Pastelería de la Provincia de Pontevedra (Aproinppa), ademais das centrais sindicais Comisións Obreiras (CCOO), Unión Xeral de Traballadores (UGT) e Confederación Intersindical Galega (CIG).

31. CATEGORÍAS E ASCENSOS

• a) No persoal de obradoiro, os postos de oficial de primeira cubriranse, a metade por antigüidade e a outra metade por libre designación da empresa. En ambos os casos realizarase unha proba de aptitude entre o persoal da categoría inferior. Os/as aprendices, unha vez superado o período de aprendizaxe, pasarán á categoría de oficial de segunda, se houber vacante, ou de axudante en calquera outro caso, categoría na que poderá estar un prazo máximo de dous anos, momento en que pasará á categoría de oficial de segunda.
• b) No persoal administrativo pasarase á categoría de oficial, en caso de vacante, por antigüidade, logo do exame de aptitude entre os auxiliares administrativos. Os auxiliares administrativos accederán á categoría de oficial administrativo ao cabo de catro anos de actuar como auxiliar.
• c) Os contratos de aprendizaxe non poderán ter unha duración superior aos dous anos, pasando posteriormente á categoría seguinte que lle corresponda segundo a súa función dentro da empresa.

32. CONTRATOS DE DURACIÓN DETERMINADA

Os contratos de duración determinada están regulados dentro do artigo 15.b do Estatuto dos Traballadores e non poderán ter unha duración maior de doce meses, dentro dun período de quince meses. Ao remataren, o traballador terá dereito a unha indemnización de doce días por ano, rateándose proporcionalmente se o tempo é inferior á duración máxima establecida.

33. PACTO DE NON CONCORRENCIA

Estimarase que existe competencia desleal na conduta do persoal da empresa cando este preste os seus servizos noutra empresa do sector dedicada á mesma actividade ou cando a desenvolva a título persoal como autónomo.

Tal competencia desleal considerarase como falta moi grave e será sancionado segundo as normas establecidas.

CAPÍTULO V
DISPOSICIONS TRANSITORIAS

PRIMERO.- OBSERVATORIO DE SAÚDE

Acórdase crear un observatorio para a saúde co fin de acometer durante a vixencia un estudo sobre enfermidades profesionais do sector e propoñer posibles solucións en materia de saúde.

ANEXO I
Táboa en vigor para contratos concertados a partir do 1 de xaneiro de 2007

Véanse Tablas salariales para el año 2016 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 23 marzo).LE0000593860_20161212

Véanse Tablas salariales para los años 2017 y 2018 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 13 junio 2017).LE0000599343_20170508

Datos en euros/mes

ANEXO II
Táboa salarial para contratos en vigor o 31 de decembro de 2006 e táboa de adaptación de categoríasconvenio de empresas de panificación de Pontevedra

Véanse Tablas salariales para el año 2016 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 23 marzo).LE0000593860_20161212

Véanse Tablas salariales para los años 2017 y 2018 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 13 junio 2017).LE0000599343_20170508

Datos en euros/mes

ANEXO III
Táboa salarial para contratos en vigor o 31 de decembro de 2006 para convenio de pastelería reposteríae pratos preparados da provincia de Pontevedra

Véanse Tablas salariales para el año 2016 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 23 marzo).LE0000593860_20161212

Véanse Tablas salariales para los años 2017 y 2018 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 13 junio 2017).LE0000599343_20170508

Véase Modificación e incremento salarial para 2019 y 2020 del Convenio colectivo del sector de industrias y despachos de panificación, confiterías, pastelerías, reposterías y platos cocinados, Pontevedra («B.O.P.PO.» 27 agosto 2020).LE0000673695_20200218

Datos en euros/mes

ANEXO IV
Táboa de licenzas e permisos para o conxunto dos convenios