Resolución de 3 de enero de 2017, de la Consellería de Economía, Empleo e Industria, por la que se ordena el registro y publicación del calendario laboral para el año 2017 del Convenio colectivo provincial del sector de industrias de rematantes, aserraderos y almacenistas de madera de la provincia de A Coruña

CONVENIO COLECTIVO PROVINCIAL DE INDUSTRIAS DE REMATANTES E SERRADOIROS DE MADEIRA DA PROVINCIA DE A CORUÑA

ACTA APROBACIÓN

CALENDARIO LABORAL 2017

ASISTENTES:

Parte empresarial:

ASOCIACIÓN PROVINCIAL DE EMPRESARIOS DE REMATANTES E SERRADOIROS DE MADEIRA DA PROVINCIA DE A CORUÑA

• – D. José-Manuel Cajaraville Varela
• – D. Manuel Bouzas Collazo

Parte sindical:

U.G.T.

• – D. Jesús-Mari Calvo Romero

CC.OO.

• – D. Ricardo-Óscar Santos Reiriz

C.I.G.

• – D. Eduardo Sebio Molguero Letrado-asesor: D.Carlos Puga Trigás

En Santiago de Compostela, sendo as dezasete horas do día quince de decembro de dous mil dezaseis, reúnense os membros da Comisión Negociadora do Convenio Colectivo Provincial de Industrias de Rematantes e Serradoiros de Madeira da provincia de A Coruña.

A presente reunión ten por finalidade a aprobación do calendario laboral para o ano 2017 co obxecto de dar cumprimento ao establecido no artigo 13 do Convenio Colectivo Provincial para os anos 2014-2015.

Unha vez que con carácter previo á presente reunión ambas partes comunicáronse as súas respectivas propostas, despois dun breve debate acádase, por unanimidade, o acordo que segue a continuación.

Apróbase o calendario laboral para o ano 2017, que comprenderá un total de MIL SETECENTAS CINCUENTA E DÚAS (1.752) horas efectivas de traballo.

Para dar cumprimento ao límite das 1.752 horas efectivas de traballo é preciso fixar no calendario para o ano 2017 un total de CINCO DÍAS FESTIVOS DE CONVENIO, días que serán os seguintes:

• – 28 de febreiro (Martes de Carnaval)
• – 24 de xullo
• – 14 de agosto
• – 13 de outubro
• – 7 de decembro

O calendario para o ano 2017 figura detallado no cadro anexo á presente acta.

Se nalgún concello foxen sinaladas como festividades locais días que teñan o carácter de festivo-convenio ou sábado, establécese a súa substitución como día festivo polo día laborable inmediatamente anterior ou, no seu caso, posterior.

Establécese de forma expresa que o calendario laboral aprobado será de aplicación nas empresas que non teñan aprobado calendario propio. En todo caso, o devandito calendario ten o carácter de orientador para as empresas, de tal xeito que o mesmo poderá ser modificado tendo en conta as demandas específicas de produción existentes en cada momento. Non obstante, de ser este o caso, o día ou días traballados que se correspondan con días festivos de convenio haberán de ser substituídos por outro día ou días equivalentes en cómputo horario. Con carácter xeral a empresa fará pública a modificación proxectada polo menos con cinco días de antelación á data de aplicación do cambio previsto, sen prexuízo de que tal período de preaviso sexa menor sempre e cando medie acordo entre empresa e traballadores.

Ambas partes deciden que este acordo entrará en vigor na data da súa firma con efectos a partir do día 1 de xaneiro do 2017, todo elo con independencia da data da súa publicación oficial.

Acórdase facultar e autorizar expresamente ao letrado-asesor don Carlos Puga Trigás quen, presente, acepta a designación, para que proceda a completar tódolos trámites necesarios aos efectos de que polos órganos administrativos competentes se ordene a inscrición e o depósito do citado acordo no Rexistro de Convenios e Acordos Colectivos de Traballo da Comunidade Autónoma de Galicia.

E sen máis asuntos dos que tratar, levántase a sesión sendo as dezaoito horas da data enriba sinalada, asinando en conformidade a totalidade dos asistentes.

CALENDARIO LABORAL DO CONVENIO DE REMATANTES E SERRADOIROS DE MADEIRA DA PROVINCIA DE A CORUÑA PARA O ANO 2017