Anúnciate en Noticias Jurídicas Newsletter Colabora con nosotros

TIENDA WOLTERS KLUWER

Wolters Kluwer. Librería Jurídica Online Profesional

TIENDA LIBROS FORMACIÓN BASES DE DATOS REVISTAS SOFTWARE DE GESTIÓN OBRAS ACTUALIZABLES

Base de Datos de Legislación

Resolución de 13 de agosto de 2021, de la Consellería de Empleo e Igualdad, de inscripción y publicación de la modificación del Convenio colectivo de industrias de rematantes y aserraderos de madera de la provincia de A Coruña para los años 2019-2021

Ficha:
  • ÓrganoCONSELLERÍA DE EMPLEO E IGUALDAD
  • Publicado en
  • Vigencia desde 04 de Marzo de 2021
Versiones/revisiones:

Sumario

De acordo co disposto no artigo 90 e concordantes do Real Decreto Lexislativo 2/2015, do 23 de outubro, polo que se aproba o texto refundido da Lei do Estatuto dos Traballadores (BOE núm. 255, do 24 de outubro de 2015) e no artigo 2.1 e concordantes do Real Decreto 713/2010, do 28 de maio, sobre rexistro e depósito de convenios e acordos colectivos de traballo (BOE núm. 143, do 12 de xuño de 2012), así coma na Orde do 29 de outubro de 2010 pola que se crea o rexistro de convenios e acordos colectivos de traballo na Comunidade Autónoma de Galicia (DOG núm. 222, do 18 de novembro) modificada pola Orde do 14 de marzo (DOG núm. 60, do 26 de marzo de 2013).

Considerando que a Xefatura Territorial de Emprego e Igualdade da Coruña é competente para resolver a inscrición da modificación deste convenio colectivo e para dispoñer a súa publicación segundo o disposto no Decreto 130/2020, do 17 de setembro, polo que se fixa a estrutura orgánica das vicepresidencias e das consellerías da Xunta de Galicia (DOG núm. 190, do 18 de setembro de 2020) e no artigo 57 en consonancia co artigo 28 do Decreto 215/2020, do 3 de decembro, polo que se establece a estrutura orgánica da Consellería de Emprego e Igualdade (DOG núm. 253, do 17 de decembro de 2020).

De acordo con todo o indicado, RESOLVO:

1. A inscrición da modificación do convenio colectivo provincial de industrias de rematantes e serradoiros de madeira 2019-2021 no rexistro de convenios e acordos colectivos de traballo da Comunidade Autónoma de Galicia.

2. A remisión da modificación do convenio colectivo provincial de industrias de rematantes e serradoiros de madeira 2019-2021 ó Boletín Oficial da Provincia da Coruña para a súa publicación.

CONVENIO COLECTIVO PROVINCIAL DE INDUSTRIAS DE REMATANTES E SERRADOIROS DE MADEIRA DA PROVINCIA DE A CORUÑA PARA OS ANOS 2019-2021

ASISTENTES

Parte empresarial:

  • - ASOCIACIÓN PROVINCIAL DE EMPRESARIOS DE REMATANTES E SERRADOIROS DE MADEIRA DE A CORUÑA
    • – D. Benito García Sánchez
    • – D. Manuel Bouzas Collazo
    • – D. José Manuel Cajaraville Varela

Parte sindical:

  • - C.I.G.
    • – D. Eduardo Sebio Molguero
  • - U.G.T.
    • – D. Jesús Mari Calvo Romero

    Letrado-asesor: D. Carlos Puga Trigás

En Santiago de Compostela, sendo as dezaseis horas e trinta minutos do día catro de marzo de dous mil vinte e un, reúnense os membros da Comisión Negociadora do convenio anteriormente relacionados, en representación das entidades asinantes do Colectivo Provincial de Rematantes e Serradoiros de Madeira da provincia de A Coruña para os anos 2019-2021.

Iniciada a sesión, polo letrado-asesor dáse conta de que con posterioridade á aprobación do novo convenio colectivo para os anos 2019-2021 na reunión celebrada o día 3 de novembro de 2020, e ao seu rexistro e publicación no Boletín Oficial da Provincia de A Coruña, detectáronse determinados erros no texto do mesmo que, por razóns de seguridade xurídica, se considera necesario corrixir.

En concreto, a rectificación afecta aos artigos 27, 28, 29 e 33 do convenio.

En relación cos artigos 27, 28 e 29 o erro é de idéntica natureza, pois consiste en que nos tres artigos faise referencia aos Anexos I e II, sendo así que en realidade os anexos mencionados son tres, e que cada un deles contén as retribucións fixadas para cada un dos tres anos (2019, 2020 e 2021) de vixencia do convenio.

E polo que se refire ao artigo 33, o erro deslizado nos seus apartados 1 e 4.2 consiste en que neles menciónase a porcentaxe do UN COMA TRINTA POR CENTO, cando en realidade debería reflectirse UN COMA CINCOENTA POR CENTO, porcentaxe esta última que é a correctamente aplicada para a elaboración das táboas salariais incorporadas aos Anexos I, II e III.

Os presentes, tras escoitar o informe do letrado-asesor e tras constatar as circunstancias relacionadas, prestan por unanimidade a aprobación á súa proposta de corrección e, polo tanto deciden:

1.º.– Corrixir determinados erros detectados no texto do convenio 2019-2021 aprobado pola Comisión Negociadora o día 3 de novembro de 2020 e, conseguintemente, modificar e aprobar a nova redacción dos artigos 27, 28, 29 e 33 do convenio, que terán o seguinte contido:

Artículo 27.– Salario base

1.– Entendese por salario base a parte de retribución do persoal fixada por unidade de tempo sen atender a circunstancias persoais, de posto de traballo, por cantidade ou calidade de traballo, ou de vencemento periódico superior ao mes.

2.– O salario base correspondente a cada grupo profesional é o que figura nos Anexos I, II e III.

Artículo 28.– Complemento de convenio

Todo o persoal afectado polo presente convenio terá dereito a un complemento por día traballado, denominado « de asistencia», na contía que se establece nos Anexos I, II e III.

Artículo 29.– Gratificacións extraordinarias

1.– Establécense dúas gratificacións extraordinarias coa denominación de paga extra de verán e paga extra de Nadal que se percibirán por semestres naturais. A paga de verán será aboada antes do 30 de xuño, e a paga de Nadal será aboada antes do 20 de decembro.

Non obstante, as empresas poderán ratear o pago destas dúas pagas extraordinarias entre os doce meses do ano, debéndose respectar en todo caso o dereito dos traballadores e traballadoras que así o desexen a percibir estas retribucións nos períodos de pago establecidos no parágrafo precedente.

2.– A contía de cada unha das pagas extraordinarias consistirá nunha mensualidade de salario base e antigüidade consolidada.

3.– Así mesmo, establécese unha paga chamada paga do 1.º de maio que se percibirá anualmente, na contía fixada nos Anexos I, II e III.

Artículo 33.– Revisión salarial

1.– As táboas salariais para o ano 2019 figuran incorporadas no Anexo I deste convenio, supoñen un incremento do UN COMA CINCOENTA POR CENTO (1,50 %) sobre as táboas salariais do ano 2018, e considéranse definitivas a tódolos efectos.

2.– As táboas salariais para o ano 2020 figuran incorporadas no Anexo II deste convenio e considéranse definitivas a tódolos efectos.

3.– As táboas salariais para o ano 2021 figuran incorporadas no Anexo III deste convenio.

4.– Ao remate da vixencia do presente convenio procederase á revisión das táboas salariais fixadas para o ano 2021, tendo en conta a variación acumulada do índice de prezos ao consumo (IPC) durante os tres anos de vixencia do convenio, segundo os seguintes criterios:

  • 4.1.– No caso de que a variación acumulada do IPC no período comprendido entre o 1 de xaneiro de 2019 e o 31 de decembro de 2021 sexa cero ou negativa, non procederá a aplicación de revisión algunha e as táboas salariais para o ano 2021 consideraranse definitivas a tódolos efectos.
  • 4.2.– No caso de que a variación acumulada do IPC no período comprendido entre o 1 de xaneiro de 2019 e o 31 de decembro de 2021 sexa superior ao UN COMA CINCOENTA POR CENTO (1,50%), aplicarase unha revisión salarial nunha porcentaxe igual á suma da diferencia positiva entre a variación acumulada do IPC no devandito período e o referido 1,50%, máis 0,5 puntos.
    A porcentaxe así determinada, de ser procedente, aplicarase sobre as táboas salariais do ano 2021 incorporadas no Anexo III deste convenio, e as contías dos salarios do ano 2021, unha vez actualizadas, consideraranse definitivas a tódolos efectos.
  • 4.3.– O importe da revisión salarial, de resultar procedente, aboarase nun pago único co concepto «Atrasos de convenio 2019-2021».
LE0000686998_20210304Ir a Norma afectada

2.º.– Acórdase facultar e autorizar expresamente ao letrado-asesor don Carlos Puga Trigás quen, presente, acepta a designación, para que proceda a cumprimentar tódolos trámites necesarios para que polos órganos administrativos competentes se preste aprobación á corrección dos erros mencionados e ordene a inscrición e o depósito da nova redacción do texto corrixido no Rexistro de Convenios e Acordos Colectivos de Traballo da Comunidade Autónoma de Galicia.

E sen máis asuntos dos que tratar, levántase a sesión ás dezasete horas da data enriba sinalada, asinando en conformidade a totalidade dos asistentes.